Komisioni i diciplinore i federatës italiane të futbollit ka dhënë një dënim minimal për sulmuesin e Milanit, Carlos Bacca i cili pas përfundimit të ndeshjes kundër Juventusit “shpërtheu” nga kritikat madje edhe tentoi të prekë gjyqtarët e ndeshjes.
Kolumbiani është dënuar vetëm me një ndeshje pezull duke i shpëtuar dënimit të ashpër dhe tashmë ai do të jetë i gatshëm për derbin kundër Interit e cila do të luhet më 15 prill, shkruan “Football-Italia”.
“Bacca dënohet me një ndeshje pezullim dhe një gjobë prej 10 mijë eurosh”, thuhet në njoftimin zyrtar të Komisionit të Disiplinor.
Juventusi fitoi 2-1 përballë Milanit, por me shumë polemika pasi sërish gjyqtari u bë protagonist i ndeshjes pasi akordoi penallti në momentin kur koha shtesë kishte përfunduar.