Carlos Sainz nuk zhgënjen dhe regjistron fitoren e dytë në karrierë, me pilotin spanjoll që triumfoi në Çmimin e Madh të Singaporit duke i dhënë kështu një sukses shumë të rëndësishëm edhe makinës Ferrari.

Pas 14 garash, në këtë Botëror një makinë jo RedBull triumfon dhe kjo vjen pas një fundjave shumë fantastike të Ferrarit, por më veçanti të Carlos Sainz.

Një garë shumë e luftuar, ndërsa në vendin e dytë u rendit Lando Norris, i cili u nis nga vendi i katërt, por administroi gjithçka, madje në disa momente ngacmoi ish-shokun e tij, Sainz, por në fund nuk ia doli.

Në podium u ngjit edhe Lewis Hamilton, me britanikun që mund të konsiderohet me fat, kjo pasi Russell u përplas në kthesat e fundit.

Piloti tjetër i Ferrarit, Leclerc u rendit në vendin e katërt, duke lënë pas Max Verstappen që vuajti jo pak në këtë garë, por nuk shkoi më shumë se vendi i pestë.

Fundjavë aspak e mirë për skuderinë RebBull që këtë fundjavë mungoi edhe në podium, por sa i përket klasifikimit asgjë nuk ndryshon sepse Verstappen ka 374 pikë, më pas Perez 223 pikë, ndërsa në vendin e tretë qëndron Hamilton me 180 pikë. Sainz shkoi në kuotën e 142 pikëve, 28 më pak se Fernando Alonso.

Ndërsa sa i përket renditjes së konstruktorëve, Red Bull kryeson me 597 pikë, më pas renditet Mercedes me 289 pikë dhe në podium është Ferrari, tashmë me 265 pikë.

Artikulli paraprakDukagjini nuk lejoi kampionët të fitojnë
Artikulli tjetërArsenali fitoi pas 5 vitesh në Goodison Park