Humbja në finalen e Superkupës së Italisë ka ndikur negativisht te Napoli.
Skuadra e Gennaro Gattusos humbi 3-1 nga Verona duke mos arritur të parakalonte Juventusin dhe Atalantën në renditjen tabelare, shkruan Korneri.net
Irving Lozano e shënoi golin e dytë më të shpejtë sivjet në Serie A (9 sekonda), ende pa kaluar 30 sekonda, megjithatë ishte krejt që Napoli bëri, pasi vendasit u treguan fenomenal në vazhdim.
Federico Dimarco barazoi rezultatin, kurse Antonin Barak i dha epërsinë e parë vendasve. Fitoren Veronës ia siguroi lojtari më i mirë Mattia Zaccagni. Pas javës së 19-të, Napoli renditet në vendin e gjashtë me 34 pikë, 2 më pak se Juventusi dhe Atalanta dhe 3 më pak se Roma në vendin e tretë.
![](https://korneri.net/wp-content/uploads/2021/01/destro-1024x654.jpg)
Në ndeshjen tjetër Genoa e mposhti Cagliarin në krizë 1-0 me golin e shtatë sezonal të sulmuesit Mattia Destro. /Korneri.net