Borussia Dortmund bind me fitoren 2-4 ndaj Freiburg në “Europa-Park Stadion”, në një ndeshje që rezultoi të ishte shumë e luftuar.
Ishin miqtë ata që zhbllokuan sfidën, duke shënuar me Hummels në minutën e 11’.
Megjithatë vendasit reaguan dhe barazuan në minutën e 45+2’ Holer, ndërsa vetëm katër minuta më pas Hofler kaloi Freiburg-un në avantazh, duke bërë që pjesa e parë të mbyllej me rezultatin 2-1.
Fraksioni i dytë po ashtu rezultoi shumë i luftuar, me Dortmund që gjeti barazimin me Malen në minutën e 60’.
Në minutën e 82’ autori i golit të dytë të Freiburg, Hofler la ekipin e tij në inferioritet numerik, pasi mori karton të kuq.
Dortmund e shfrytëzoi superioritetin numerik, me Hummels që shënoi golin e tretë në minutën e 88’, teksa Reus bëri “poker” në minutën e 90+3’ dhe njëkohësisht vulosi këtë sfidë.
Pas javës së katërt të Bundesliga, Freiburg renditet në vend të nëntë me gjashtë pikë, teksa Borussia Dortmund renditet në vend të shtatë me tetë pikë.
Leipzig mposhti 3-0 Augsburgun, kurse Hoffenheim dhe Stuttgard fituan në udhëtim 1-3 ndaj Köln respektivisht Mainz, ndërsa Wolfsburg fitoi 2-1 ndaj Union Berlin.
