Sokol Cikalleshi lë Basaksehirin në ditën e fundit të afatit kalimtar dimëror, pikërisht ditën kur skuadra turke është përforcuar me Emanuel Adebayor.
Sulmuesi i kombëtares ka vuajtur mungesën e aktivizimit në këto muajt e fundit, andaj ka pranuar të shkojë në huazim për pjesën e mbetur të sezonit te Akisar Beledijespori.
Cikalleshi tani shpreson të gjejë një vend titullari te Akisar, skuadër e cila ndodhet në vendin e 12-të në Superligën turke, 4 pikë sipër zonës së rënies nga katergoria, me një sulm shumë të dobët.
