Trajneri i Real Madridit, Zinedine Zidane edhe një herë tjetër ka treguar simpatinë e tij për Karim Benzeman.
Në një deklaratë për mediat tekniku francez doli kundër tifozëve dhe tha se Benzema është një lojtar që i imponon lojë të mirë të gjithë skuadrës.
“Çdo kush e ka mendimin e tij, por unë e shoh mirë dhe jam i lumtur me punën e tij. Ai bën që lojtarët e tjerë të shënojnë. Benzema mund të shënojë dhe bëjë të tjerët të luajnë më mirë”, tha Zidane gjatë konferencës për media.
Kujtojmë që ditë më parë Benzema është vërshëllyer nga të pranishmit në “Santiago Bernabeu” ndërsa Zidane i ka dalë në mbrojtje sulmuesit francez.
