Pas finales në Copa del Rey, Barcelona do të prezantojë trajnerin e ri, Ernesto Valverde i cili ka në plan 3 transferime të bujshme.

Përforcim i parë do të jetë një mbrojtës i djathtë dhe i përzgjedhur është Hector Bellerin i Arsenalit. Katalanasit do të paguajnë 30 milionë euro për të transferuar Bellerin në “Camp Nou”.

Gjithashtu Barcelona ka nevojë edhe për një mesfushor që të organizojë lojën dhe të luajë në qendër të fushës së bashku me Busquets. Nëse nuk do të arrihet marrëveshja me Verrattin atëhere Valverde ka kërkuar që të marrin Herrerën nga Manchester United.

Së treti, Barcelonës i nevojitet një lojtar që të bëjë diferencën në krah dhe për këtë të gjithë emrat të cojnë te Coutinho i Liverpoolit. Kjo lëvizje bëhet akoma edhe më e besueshme pasi vetë lojtari ka shprehur dëshirën e tij të madhe për të veshur fanellën e Barcelonës.

Artikulli paraprakMorata apo Belotti, cilin e preferoni më shumë?
Artikulli tjetërVjen një tjetër lamtumirë nga AC Milan