Manchester United ka konfirmuar se një prej fansave të skuadrës ka ndërruar jetë pasi u ndje keq gjatë ndeshjes së të hënës në “Premier League”, ku fitoi me rezultatin 2-0.
“Të gjithë në Manchester United janë thellësisht të pikëlluar pas lajmit se një nga tifozët tanë u nda nga jeta pasi humbi ndjenjat në ndeshjen e djeshme kundër West Ham”,shkruhet në një postim të klubit në Twitter.
Në ndeshjen e djeshme në transfertë, United fitoi 2-0 me gola të Juan Matas dhe Zlatan Ibrahimovic.
