Nëse dikush do të jetë kundërshtari direkt i Bayern Munchen për titullin e kampionit, atëherë pa dyshim se të gjithë e mendojnë Dortmundin, mirëpo sivjet edhe Hertha Berlin është bërë një kundërshtar për tu respektuar.
Në Signal Iduna Park u pa gjithçka, nga golat e shënuar, penalltia e huqur, dy kartonë të kuq, por në fund nuk pati fitues. Dortmundi luajti bindhshëm më mirë, por atëherë ishin mysafirët që shënuan të parët me anë të Valentin Stocker që më vonë u ndëshkua me të kuq, kurse e barazoi rezultatin Pierre-Emerick Aubameyang i cili pesë minuta më herët e huqi penalltinë. Te vendasit i pari që u largua me të kuq ishte talent ii madh turk, Emre Mor.
Dortmundi theu rekordin personal pasi mbetet pa humbje në shtëpi në 25 ndeshje rresht, pasi rekordi i mëhershëm ishte me 24 ndeshje pa asnjë disfatë.
