Elseid Hysaj mbrëmë nuk mundi që me Napolin e tij të kalonte në çerekfinale pasi u mund sërish 1-3 nga Reali i Madridit. Mbrojtësi shqiptar luajti një ndeshje të mirë, por pa mundur që të tregojë vlerat e tij më të mira në fazën sulmuese ku ishte pak aktiv.
Mbrojtësi shqiptar u vlerësua me notën 6 nga “La Gazzeta dello Sport”.” Nga krahu i tij Ronaldo është bllokuar, duke limituar shumë inkursionet e portugezit. Mund të bënte më mirë në fundin e ndeshjes”.
Për “Eurosport” dhe “Sportmediaset”, prova e Hysajt ishte pozitive dhe u vlerësua me notën 6.
“Reziston mirë përballë Kristiano Ronaldos, me portugezin që u detyrua të zhvendosej drejt qendrës për të qenë i rrezikshëm përpara. Nuk jep një kontribut të madh në fazën ofensive, me shqiptarin që arrin rrallëherë vijën fundore për të krosuar”, shkruan Eurosport për shqiptarin.
