Revolucioni i janarit: Zbulohen strategjitë e “big-ëve” nga Serie A

Merkato e janarit po afron dhe klubet e mëdha të kampionatit italian janë gati të vihen në lëvizje. Nga Napoli tek Inter, nga Roma te Lazio deri tek Juventus dhe Milan: janë të shumtë emrat në listat e drejtorëve sportiv të klubeve që janë në luftë për titullin dhe një vend në Champions League. Këto janë strategjittë e klubeve pak muaj para hapjes së merkaton së dimrit.

Napoli

Klubi “axurr” është gati të marrë gjashtë muaj para kohe Roberto Inglese-n, sulmuesi 26-vjeçar i Chievo-s. Cristiano Giuntoli, drejtori sportiv i Napoli-t, e ka blerë në ditën e fundit të merkatos së verës për 10 milionë euro. Marrëveshja me veronezët ka qenë që lojtari të qëndronte atje deri në fundin e sezonit, por dëmtimi i Milik pritet ta përshpejtojë operacionin. Chievo është vënë në kërkim për të gjetur një zëvendësues.

Juventus

Është ndjekur gjatë gjithë verës pa sukses. Por ka mbetur premtimit që ta veshë fanellën e bardhezinjvë nga viti i ardhshëm. Emre Cabn do të jetë një lojtar i Juventus. Do të duhet të pritet pak, por ndoshta jo dhe aq shumë sa ishte parashikuar. Mesfushori gjerman i Liverpool është në sezonin e tij të katërt me “Të Kuqtë” dhe kontrata e tij skadon në qershor. Nuk do ta rinovojë sepse i ka dhënë fjalën Marotta-s. Operacioni mund të përshpejtohet, veçanërisht nëse anglezët do ta sigurojnë zëvendësuesin e tij para kohe. Bëhet fjalë për Naby Keita, 22-vjeçari që luan me Leipzig, i blerë nga Liverpool për 51 milionë euro në gusht dhe i lënë me formulën e huazimit në Gjermani. Juventus nuk nxiton, paraqitjet e mira të Bentnancur e bëjnë Allegri-n të ndihet i qetë. Alternativa për mesfushën është Andre Gomes i Barcelona-s, i cili duket se nuk bën pjesë në planet e Valverde-s. Por portugezi do të merrej vetëm me formulën e huazimit dhe të drejtën e blerjes.

Inter

Atruro Vidal është emri i madh për janarin. Inter e ka kërkuar edhe në verë, por nuk ka arritur ta marrë për shkak se Ancelotti e ka blinduar kilianin. Tani që trajneri italin është shkarkuar situata mund të ndryshojë: Ausilio dhe Sabatini do të vazhdojnë ta ndjekin nga afër mesfushorin, i cili nuk ka arritur akoma një marrëveshje me bavarezët për rinovimin e kontratës deri në 2021-in (marrëveshja aktuale skadon në 2019-ën). Inter do të provojë ta marrë me formulën e huazimit dhe me detyrimin e blerjes për të mos rënduar bilancin 2017/18. Operacioni mund të realizohet edhe për shkak marrëdhënieve të mira që ekzistojnë mes dy klubeve.

Lazio

Një përforcim është i sigurt që do të bëhet në janar. Bëhet fjalë për Martin Caceres, mbrojtësi që luan me Verona-n, por që është blerë tashmë nga klubi bardhekaltër në verë. Inzaghi ka nevojë për një mbrojtës më shumë pas largimit të Hoedt. Përveç Caceres nuk janë parashikuar ndërhyrje të tjera në merkaton, edhe pse ekipi po luan shumë mirë dhe është akoma në pritje të rikuperimit të Nani-t dhe Anderson-it.

Roma

Skuadra e Di Francesco-s po përmirësohet nga java në javë dhe trajneri ka thënë gjithmonë se është i kënaqur me lojtarët që klubi i ka vënë në dispozicion. Për këtë arsye duket e vështirë që Monchi të bëjë investime të mëdha në janar. Por verdhekuqtë janë gati të shfrytëzojnë të gjitha mundësitë që mund të paraqiten. Ka mundësi të merret një qendërmbrojtës. Pëlqehej Dragovic, por në fund ka shkuar te Leicester me formulën e huazimit. Mbetet akoma e hapur rruga që çon te Rodrigo Caio, i cili i është ofruar Monchi-t. Braziliani i Sao Paulo-s ka pasaportë italiane dhe mund të zbarkojë në Trigoria me formulën e huazimit.

Milan

Pavarësisht 230 milionë eurove të shpenzuar në verë, Milan-it të Montella-s duket sikur i mungon diçka. Mangësitë e para në javët e para të kampionatit nuk i lënë të qetë Fassone-n dhe Mirabelli-n, të cilët janë gati të vënë përsëri dorën në portofol. Mungon një alternativë për Kessie, që jo rastësisht ka luajtur çdo minutë në kampionat. pëlqehet shumë Andre Gomes i Barcelona-s, por ai kërkohet edhe nga Juventus. Ka mundësi që “Djalli” të rikthejë sytë nga lojtari i Udinese-s, Jankto. Karakteristikat e tij konsiderohen ideale për të përforcuar ekipin e Montella-s.

Raporti: Telesport