“Stadiumi i Qytetit” në Prishtinë është një tjetër hap larg kompletimit.
Në ‘Twitter’ janë publikuar fotografitë e radhës nga procesi i rinovimit të stadiumt të qytetit, raporton Insporti
Si proces i rinovimit, muajin e kaluar kishte filluar vendosja e ulëseve të para në shkallët e stadiumit.
Kurse, në pamjet e fundit shihet se tashmë ka filluar edhe testimi i dritave jashtë stadiumit.
Kujtojmë se stadiumi i qytetit ka nisur të rinovohet në qershor të vitit 2016, derisa pritet që përfundimisht të jetë i kompletuar në pranverë.
Përfaqësuesja e Kosovës dhe klubet kosovare që garojnë në garat ndërkombëtare do të mund t’i zhvillojnë ndeshjet e tyre në këtë stadium pas kompletimit.
