Ronaldo ka gëzuar tifozët e Real Madridit, në paradën e trofeut të Ligës së Kampionëve.
Skuadra madrilene ka festuar titullin e 13-të në Ligën e Kampionëve me tifozët në Cibeles, pasi mposhti Liverpoolin në finalen e Kievit.
Ronaldo, që me deklaratat pas ndeshjes kishte lënë të kuptohej se ka filluar të mendojë largimin nga klubi, në festën e trofeut ka gëzuar tifozët e ‘Los Blancos’.
Portugezi, duke iu drejtuar tifozëve të shumtë në rrugët e Madridit, tha se “do të shihemi sërish vitin tjetër”.
“Faleminderit të gjithëve, shihemi vitin e ardhshëm”, tha Ronaldo drejtuar tifozëve.
