BARCELONA, SPAIN - SEPTEMBER 10: Neymar Jr. of FC Barcelona looks on during the La Liga match between FC Barcelona and Deportivo Alaves at Camp Nou stadium on September 10, 2016 in Barcelona, Spain. (Photo by David Ramos/Getty Images)

Transferimi i Neymarit do të kryhet. E kjo, sepse çdo ditë që kalon pa mbajtjen e një qëndrimi zyrtar nga ana e vet lojtarit i shton mundësitë e kalimit të tij te parizienët.

Megjithatë, edhe në Katalunjë duket se kanë nisur të pranojnë faktin që po e humbasin “O Ney”-n.

E përditshmja katalanase “Sport” e hap kopertinën e sotme me titullin “Ikën”, ndërsa sipas “Mundo Deportivo”, përpara kemi ditë vendimtare, për të mos thënë orë vendimtare.

Ai që i shton edhe më shumë zërat e largimit është fakti që Neymar nuk është rikthyer në Barcelonë pas turit në Shtetet e Bashkuara, së bashku me shokët e tjerë të skuadrës, por aktualisht ndodhet në Kinë, më saktë në Shanghai, për një seri takimesh tregtare. Prej aty, sipas “Mundo”-s, Neymar do të niset të martën për në Doha, ku do të kryejë vizitat mjekësore me Paris SG.

Ndërkohë, babai i tij, që ka një rol të rëndësishëm në transferimin e lojtarit, ka zbarkuar në Barcelonë. Ai ka udhëtuar me një njëjtin avion me zëvendëspresidentin e Barçës, Manel Arroyo, e gjithashtu edhe me ish-kapitenin Carles Puyol. Edhe pse i pyetur nga reporterët, ai nuk ka dashur të japë deklarata.

Por kush dhe si do të paguhet klauzola e prishjes së kontratës së Neymar me Barcelonën? Sipas shtypit francez, PSG duket se ka gjetur mënyrën për të shmangur rregullin e “Fair Play”-t financiar.

/Top-Channel

 

PËRGJIGJU

Please enter your comment!
Please enter your name here