Për kapitenin e Bayern Munich, Manuel Neuer, përballja ndaj Augsburg ishte një ndeshje e veçantë.

Portieri gjerman barazoi rekordin e ish-legjendës Oliver Kahn për numrin e ndeshjeve pa pësuar gol plot 196, pasi bavarezët fituan me rezultat minimal 0-1, përcjell Korneri.net

“Bëmë një ndeshje të mirë, sidomos në pjesën e parë. Në 45 minutat e dyta nuk ishim freskët sa duhet dhe gati e paguam shtrenjtë. Gjithsesi, në fund rëndësi ka fitorja”, tha Neuer. “Rekordi i Kahn? Jam i lumtur që kam arritur një shifër të tillë. Oli është një legjendë dhe të arrish gjërat që ka bërë ai është një krenari”, përfundoi Neuer.

Duhet shtuar për fund se Neuer pat edhe fat në këtë ndeshje, sepse vendasit e huqën penalltinë në minutën e 90, pasi Finbogason e qëlloi shtyllën pingule. /Korneri.net

PËRGJIGJU

Please enter your comment!
Please enter your name here