Reali i Madridit e ka fituar takimin e djeshëm ndaj Liverpulit me rezultatin 3-1, duke ngritur trofeun e 3 radhazi në “Champions League”.
Një fitore historike për ekipin madrilen, që vazhdon të shkruajë historinë dhe të dominojë në futbollin europian. Mesfushori i kësaj skuadre, Luka Modriç ka treguar për “BT Sport”, sekretin e suksesit në finalen e Kievit, duke thënë se ishte motivuar së bashku me skuadrën nga ekipet e basketbollit.
“Një arritje e pabesueshme dhe historike. Unë nuk e di nëse një ekip tjetër do e përsëris këtë sukses në të ardhmen. Përpara finales së Kievit, ne kemi parë një film rreth ekipeve të basketbollit si Chicago Bulls, Lakers dhe Boston Celtics, për mënyrën sesi ata kishin fituar 3 apo 4 herë rradhazi dhe kështu krijuam një dinasti. E thjeshtë për të arritur në këtë pikë, por është e vështirë të stërivtesh ditë pas ditë. Unë mendoj se askush nuk do e përsëris këtë” ka thënë mesfushori kroat.
