Milani kryeqyteti i ri evropian i futbollit, Barcelona ende e para me shikueshmëri

Interi dhe Milani janë klubet e 3 dhe 4 në Evropë për sa i përket numrit të përgjithshëm të shikuesve në të gjitha garat, por ngritje ka bërë edhe Roma që është në pozitën e  6.

MILANO KRYEQYTETI I RI I FUTBOLLIT EVROPIAN: Interi dhe Milani janë përpara Real Madridit (të penalizuar megjithatë nga mbyllja e pjesshme e Bernabeut), Bayern, Borussia me “murin e verdhë”, le të mos flasim për PSG-në. Pothuajse katër milionë spektatorë në stadium për Nerazzurët dhe Rossonerët në sezonin 2022-23. All inclusive do të thotë: kampionat, Liga e Kampionëve, Kupa e Italisë, Superkupa. Një figurë e pabesueshme.

Më shumë shënuan vetëm Londra dhe Manchesteri. Por në kryeqytetin britanik kishte shtatë klube në Premier League, që është krahasim i pamundur.  Manchesteri ofron Cityn dhe Unitedin e Guardiolës, të cilët kanë një audiencë të madhe dhe besnike, edhe nëse ndryshimi i vërtetë bëhet nga FA Cup dhe Kupa e Ligës (që për të dy klubet kanë më shumë spektatorë se Liga e Kampionëve). Por që diçka po ndodh në Itali mund të kuptohet edhe nga vendi i gjashtë i Romës, me Olimpicon që është gjithmonë i mbushur. Ka dëshirë për futboll, kushedi nëse  Italia do të kishte edhe ambiente moderne, pra stadium më të reja.

BARCELONA SUPER: Këto janë shifrat që vijnë nga raporti i UEFA-s për sezonin 2022-2023. Këtë vit ka dy raporte. Ky është i pari, titullohet “The European Club Talent and Competition Landscape”, ofron një vështrim në stadiumet, tregun e transferimeve, dhe rosteri i skuadrave evropiane. Episodi i dytë kushtuar çështjeve më rigoroze financiare do të mbërrijë pas disa muajsh. Të dhënat që dalin gjatë javës së derbit janë ecuria e dy klubeve. Në renditjen absolute, pas United (2.5 milionë) dhe Barcelonës (2.3), të vetmet klube që kanë kaluar shifrën e dy milionëve, janë Interi (1.97) dhe Milani (1.86). Diferenca minimale mes të dyve, 115 mijë në favor të Nerazzurrëve. Në vendin e pestë është City (1.8), pastaj Roma (1.78). Në “Top 10” mbyllen Bayern, Borussia, Real Madrid dhe West Ham. Renditja flet ende anglisht: Tottenham, Arsenal, Celtic befasues dhe Marseille, kështu që Liverpool është i 15-ti.

KUQ-ZI-KALTËR – Kthimi te dy skuadrat milaneze: Interi mbizotëron në ligë dhe në Kupën e Italisë, Milani tërheq më shumë shikues në Champions League. Le të shkojmë në detaje. Seria A: Inter (1,379 milion), Milan (1,364). Kupat kombëtare: Inter (165 mijë), Milan (58 mijë). Champions : Milan (435 mijë), Inter (428 mijë). Në renditjen e kampionateve kombëtare, Barcelona është përpara me gati 1.6 milionë. Katalanasit janë rekordmenët edhe në Champions League me 584 mijë. Kupat kombëtare: me 660 mijë spektatorë Man.United i mund të gjithë. Këto janë shifrat absolute. Në Gjermani, për shembull, kampionati ka katër ndeshje më pak: mesatarja e Borussia (81 mijë) dhe Bayern (75 mijë) është më e lartë se ajo e Interit (72.6) dhe Milanit (71.9). Por ata në Milano janë ende shifra spektakolare, me dy pjesë të stadiumit që nuk shfrytëzohen shkaku i problemeve, e që jaë afron 2 mijë vende.

KAMPIONAT – Të dhënat e përgjithshme për kampionatet nuk janë aq emocionuese. Dominon Premier League me 15.3 milionë dhe nuk kishte asnjë dyshim. Në vend të dytë renditet Bundesliga e cila arrin në 13.2 milionë falë edhe përqindjes së lartë të stadiumeve plot. Më pas La Liga që me 11.2 milionë është pak përpara Serie A. Franca mbetet mbrapa me 9 milionë. Lajmi i mirë është se që nga post-Covid, Serie A ka pasur rritjen më të lartë se gjitha të tjerat prej  +17%. /Korneri.net