Javë përcaktuese për Mikel Arteta.

Pas përfundimit të sezonit të kaluar duke fituar Kupën FA, pastaj duke filluar mirë  këtë edicion duke e fituar edhe Community Shield, duke fituar tre nga katër ndeshjet e para të kampionatit dhe duke mposhtur Leicester dhe Liverpool në udhëtim në Carabao Cup, fushata e Arsenalit po kalon krizën më  të madhe ndonjëherë, përcjell Korneri.net

Shefi i West Brom, Sam Allardyce tha të mërkurën se i konsideronte “Topçinjtë” si një rival për mbijetesë.

Arteta tha: “Unë kam qenë shumë i qartë në shumë momente se ne po humbasim ndeshjet. Është përgjegjësia ime ta vendos këtë dhe, pavarësisht se çfarë ndodh, kemi qenë ne që kemi lënë veten poshtë dhe varet nga ne që ta ndryshojmë atë ”

Kundërshtarët e së shtunës Chelsea iu përgjigjën humbjes së finales së sezonit të kaluar në FA Cup nga Arsenali duke shpenzuar më pas 200 milionë  £ për lojtarë të rinj.

Përveç kësaj, skuadra e Frank Lampard fitoi në Emirates Stadium më 2019-20 dhe kanë humbur vetëm dy herë në nëntë vizitat e tyre të fundit në Premier League.

“Në këtë moment, ju ndoshta po flisni për skuadrën më të fortë në Premier League që do të luftojë për vendin e parë me siguri”, tha Arteta.

“Ajo që ata bënë duket se po funksionon mirë dhe për momentin ne nuk jemi atje. Ne duhet të luajmë me siguri më të madhe dhe kjo ndeshje mund të jetë si pikë kthese” tha në fundArteta i cili nëse e humbë derbin lokal, rrezikon shumë që të shkarkohet para vitit të ri. /Korneri.net

Artikulli paraprakVdiq legjenda e Boston Celtics, njëri ndër baksetbollistët më të trofeshëm në histori
Artikulli tjetërFormacionet zyrtare: Leicester-Man.United