Duke filluar nga ora 20:45 minuta të së shtunës do të nisë finalja e Ligës së Kampionëve në kryeqytetin e Ukrainës, Kiev.
Liverpool dhe Real Madrid do të diskutojnë trofeun mes tyre, një ndeshje kjo që pritet të jetë e mbushur me spektakël dhe klas. Tekniku Jurgen Kloop shpreson shumë tek shpejtësia dhe klasi i Salah.
Braziliani Marcelo ka treguar formulën se si do të ndalet egjiptiani, pasi sipas tij, Reali nuk mendon për 2 ose 3 lojtarë.
“Ne e dimë se çfarë duhet të bëjmë. Unë e di saktësisht sesi duhet të luaj. Është e qartë se ata kanë pasur një sezon fantastik dhe janë një skuadër e madhe, por ne nuk mendojmë për 2 apo 3 lojtarë”-tha Marcelo.
