Nisin largimet nga nënkapioni i Kosovës, Gjilani.
Ai është Sali Kosumi që ka shkruar një letër lamtumirëse të cilën mund ta lexoni në vazhdim.
Me dinjitet dhe kënaqësi e kam djersitur ndërresen e klubit Sc Gjilani.
Pas 7 viteve të kaluara me ngjyrat kuq e bardhë , vjen momenti i ndarjes time nga ky klub.
Pas shumë sakrificave, gëzimeve e hidhërimeve , së bashku arritëm që klubin ta dërgojmë në arenën ndërkombëtare, aty ku edhe e ka vendin, kjo është meritë e gjithësecilit që ka qenë pjesë e ngjyrave kuq e bardhë .
Dua ta falëmnderoj presidentin Florim Zuka për korrektësi si dhe drejtorin ekzekutiv Sevdail Robelli, ndihmës trajnerët me të cilët ishim edhe bashkëlojtar si dhe bashkëlojtarët e më hershem dhe të tanishem, dhe në veqanti SKIFTERAT të cilët kanë qenë çdo herë pjesë e pandashme e jona dhe kemi qenë gjithmonë një familje, gjithmonë do të jenë në kujtesen time.
Nga sot jam lojtar i lirë dhe i gatshëm për një fillim të ri në një ambient tjetër.
