Kampionët aktual në  NBA, Los Angeles Lakers vazhdojnë formën e lartë, pasi mbrëmë  siguruan edhe fitoren e katërt radhazi, që është njëkohësisht e gjashta sezonale, në tetë ndeshje të luajtura.

Përballja në “FedExForum” ndaj Memphies Grizzlies  ishte shumë e vështirë pasi Lakers shënoi fitore me rezultat të ngushtë  92-94. Vendasit e nisën mirë ndeshjen dhe fituan periudhën e parë, por më pas loja foli për Lakers, që fituan të tre pjesët e tjera, ndonëse me rezultat shumë të ngushtë, kjo falë  formës së mirë të Lebron James e Anthony Davies, që shënuan gjithsecili nga 26 pikë. Te humbësit u dalluan Valanciunas, Brooks dhe Dieng me nga 13 pikë secili.

Ndeshje fantastike u zhvillua edhe në “Staples Center” të Los Angeles, ndërmjet Clippers  dhe San Antonio Spurs, ku edhe këtu fitore shënuan mysafirët me rezultat  113-116.

Kawhi Leonard ishte në një formë spektakolare, pasi shënoi 30 pikë e 10 asistime, megjithatë të gjitha këto nuk mjaftuan për të shmangur humbjen e tretë sezonale për Clippers, pasi në anën tjetër  Mills dhe Murray ishin të pandalshëm duke shënuar 27 respektivisht 21 pikë.

Denver Nuggets regjistroi fitoren e tretë sezonale, pas triumfit 123-116 ndaj Minnesota Timberwolves në “Ball Arena”.  Në ndeshjet e tjera, Brooklyn Nets fitoi 130-96 ndaj Utah Jazz, ndërsa Chicago Bulls fitoi në udhëtim  108-111 ndaj Portland Trail Blazers. /Korneri.net

PËRGJIGJU

Please enter your comment!
Please enter your name here