Gjatë paradites së sotme Përfaqësuesen e Kosovës në kampin saj stërvitor të hotelit “Kremlin Palace” në Antalya, e vizitoi drejtori i përgjithshëm i kompanisë Vala, që njëherësh është edhe sponsor gjeneral i Përfaqësueses z. Agron Mustafa. Me këtë rast pas një fotografie të përbashkët, z. Mustafa duke i përshëndetur ekipin përfaqësues theksoi:
“Vala dhe unë si drejtor i saj jemi krenar që po e mbështesim Përfaqësuesen e Kosovës në rrugëtimin e saj në arenën ndërkombëtare. Ne besojmë në këtë ekip dhe sukseset e saj na bëjnë të ndjehemi mirë dhe do të jemi në vazhdimësi në përkrahje të saj. Sigurisht edhe sot i urojmë shumë fat dhe sukses dhe do të jemi bashkë në stadium për t’i dhënë kurajo për fitore duke ua bërë me dije se brohoritjet e shqiptarëve nuk do të mungojnë”, tha Mustafa.
Ndeshja Turiqa-Kosovafillon nga ora 18.00.
