Përfaqësuesja e Kosova do të bëjë shumë hapa më lartë në renditjen e re të FIFA-s.
Kosova përllogaritet të hedhë shumë hapa para në renditje e FIFA-së për muajin shtator, duke lëvizur nga vendi i 190 që mbante në muajin e kaluar, te vendi i 168.
Rivalët e saj në Grupin I të kualifikueseve të Botërorit, sigurisht që renditen më lart, pasi ekipi kosovar nuk ka shumë që është përfshirë në këtë klasifikim duke u pozicionuar fillimisht në fundin e tabelës, përcjell “Panorama Sport”.
Kroacia do të jetë në vendin e 14-të të renditjes botërore, Turqia në pozicionin e 21-të, Islanda në të 27-in, Ukraina në të 29-in, dhe Finlanda në vendin e 84-të.
Duhet theksuar se barazimi me Kosovën i ka kushtuar shumë shtrenjtë finlandezëve të cilët përllogaritet të humbin 23 pozicione në krahasim me një muaj më parë.
