Shtëpia më e madhe e futbollit në Evropë, UEFA, ka bërë të ditur listën e klubeve më të pasura në Evropë, të cilat i cilëson ato si “Super Clubs”, dhe të paarritshme ekonomikisht për të gjitha klubet e tjera në botë.
Barcelona, Real Madrid, Man. Utd, Man. City, Chelsea, Arsenal, Liverpool, Bayern Munchen dhe Paris St. Germain, janë klubet në listën e UEFA-s si më të fuqishmet financiarisht në botën e futbollit.
Të ardhurat e tyre kanë pësuar rritje të frikshme shkruan UEFA, plot 115 milionë në vit, në gjashtë vitet e fundit, kjo vetëm nga sponsorët në fanella.
