Manchester United dhe Bournemouth e hapën xhiron e 27-të, në Premier League me duelin aspak të bukur, me shumë ndërprerje, me vendime të dyshimta të gjyqrëve e shumëçka jo të mirë në ndeshje e cila në fund nuk dha fitues (1:1).
Djajtë e kuq u mendua se nuk do ta kenë fare të vështirë të mposhtin këtë kundërshtarë kur shënuan përmes Marcos Rojo, por penalltia e dhënë për mysafirët pak para pushimit, e ktheu në gol Joshua King.
Më pas mysafirët mbetën me një lojtar më pak kur ndëshkohet me të kuq Tyrone Mings, e së bashku me të u desht të largohej edhe Zlatan Ibrahimovic, pasi edhe bëri faj duke e qëlluar përcjellësin e tij, derisa boshnjaku e huqi penalltinë në pjesën e dytë për t’i dhënë ndoshta fitoren skuadrës së tij.
Man.United me këtë barazim po kthehet mbrapa në luftë për një vend në Champions League.
