Juventusi ka shënuar fitore të ngushtë ndaj Chievos në xhiron e 12-të të Series A.
Klubi nga Torino fitoi me rezultat 2 me 1, me të tre golat e shënuar në pjesën e dytë.
Mario Manxhukiq hapi rezultatin në minutën e 53-të. Rezultati u barazua 13 minuta më vonë nga Pellisier, e Miralem Pjaniq në minutën e 75-të vulosi fitoren e “Zonjës së Vjetër”.
Fitore me rezultat të njëjtë shënoi edhe Milani ndaj Palermos.
Suso kaloi Milanin në epërsi në minutën e 15-të. Nestorovski barazoi gjithçka në minutën e 71-të, ndërsa Lapadula ktheu Milanin në epërsi në minutën e 82-të duke vulosur fitoren e “Rossonerëve”.
Juve prin në tabelë me 30 pikë, pesë para Milanit që është i dyti.
