Portali kroat “Jutarnji.hr” ka shkruar në lidhje me Adnan Januzajn dhe mundësinë që ai t’i bashkohet Përfaqësueses së Kosovës.
Kroacia do të luajë kundër Kosovës në Shkodër në ndeshjen e tyre të ardhshme kualifikuese për “Kampionatin botëror 2018”.
Dhe, portali kroat ka bërë një shkrim rreth mesfushorit të Sunderlandit, që vazhdon t’i injorojë përpjekjet e Kosovës për angazhimin e tij, përcjell “Zëri.info”.
“Mbeturina” e Mancheter Unitedit ka ende të drejtë të luajë për Kosovën, por askush ende nuk e ka thirrur”, është titulli i “Jutarnji.hr”.
Por, përveç tij, portali i njohur kroat ka vlerësuar edhe pjesën tjetër të ekipit të Kosovës që në ndeshjen e parë të eliminatoreve barazoi si mysafire e Finlandës me rezultat 1:1.
