Festa e trofeut të Real duket se po prishet nga deklaratat e yjeve të tij, pas Ronaldos edhe Gareth Bale ka thënë se do bisedojë me agjentin e tij në lidhje me të ardhmen.
Uellsiani u shpreh i zhgënjyer që nuk e filloi nga minuta e parë finalen, “Unë duhet të luaj javë për javë, dhe kjo nuk ka ndodhur këtë sezon”, tha Bale për BT Sport.
Bale ishte autori i dy supergolave që i dhanë fitoren Real Madrid, por aktivizimi i tij i pakët e ka lodhur atë.
“Unë kam pasur një dëmtim për gjashtë javë këtë sezon, por edhe pasi u ktheva nuk kam luajtur. Më duhet të ulem me agjentin tim në verë dhe të diskutoj”, përfundoi sulmuesi.
