Historia do t’a vlerësojë nëse është më i miri i të gjitha kohërave, por të paktën për momentin Leo Messi hyn te lojtarët më të mëdhenj të botës. Kjo jo vetëm sa i takon fushës së blertë por edhe jashtë saj, ku argjentinasi ka treguar se është një modeli i njeriut që duhet ndjekur.
Së fundmi, për të shfaqur madhështinë e tij mjafton të përmendim atë festim të mrekullueshëm që fituesi i pesë herë ‘Topit të Artë’ bëri në atë përmbysje fantastike në “Champions” kundër Paris SG.
Foto e shkrepur gjatë këtij festimi me tifozët është bërë më e shikuara në internet, me mbi 80 mln herë në të gjitha rrjetet sociale.
Por pamjet e mëposhtme filmike janë një përmbledhje e 15 rasteve, kur futbollisti i Barcelonës, Leo Messi, ka bërë gjëra magjike, që ndoshta asnjë futbollist në botë nuk mund t’i realizonte.
T’i shohësh, jo vetëm mbetesh i magjepsur, por edhe i jep të drejtë autorit të përmbledhjes, për pyetjen që ka ngritur. A është Leo Messi “njerëzor”?
