“Pole position” dhe rekord nga Lewis Hamilton një ditë para zhvillimit të garës së Çmimit të Madh të Britanisë së Madhe në Formula 1. Për herë të 91-të në karrierë britaniku do të niset i pari në Silverstone, pasi në provat zyrtare dha kohën më të shkurtër 1’24”303. Kohën e dytë më të mirë e dhuroi Bottas, më pas Verstappen dhe Leclerc, që në fakt rrezikon penalitetin. Piloti tjetër i Ferrarit, Sebastian Vettel, do të niset nga pozicioni i 10-të.
Hamilton e dëshironte me çdo kusht “pole position” në Silverstone, pasi është i shtati në karrierë. Askush nuk e ka nisur më shumë herë i pari Çmimin e Madh të Britanisë së Madhe.
/Supersport.al
