Sulmuesi i përfaqësueses së Kosovës, Bersant Celina, duket se ka fituar vëmendjen e trajnerit Pep Guardiola me paraqitjet e tij gjatë fillimit të këtij sezoni në Eredivisie te skuadra Twente, atje ku është huazuar nga Manchester City.
Një anëtar i stafit të Guardiolës do të jetë i pranishëm në stadium për të ndjekur nga afër ndeshjen e së shtunës në kampionatin holandez, PSV-Twente, pikërisht për të vëzhguar paraqitjen e kosovarit, i cili ka shënuar 4 gola në 6 ndeshje ku ka filluar si titullar në këtë sezon.
Në fund të sezonit të shkuar Celina nënshkroi kontratë 5-vjeçare me “citizens”, dhe në sezonin e ardhshëm pritet të jetë pjesë e ekipit të parë të Guardiolës në rast se vazhdon paraqitjet e tij të mira në Holandë.
