Përmbysja historike e rezultatit nga Barcelona kundër PSG, po diskutohet në mbarë botën nga personalitete të ndryshëm të sportit. Një deklaratë të shkurtë për mikrofonat e Sky Sport, e ka dhënë edhe drejtori i deleguar i Milanit, Adriano Galliani i cili e ka cilësuar ndeshjen e sontme si më të mahnitshmën që ka parë në jetën e tij.
“Ishe kjo një nga ndeshjet më të mahnitshme të jetës sime, u shënuan tre gola brenda pesë minutave kjo është spektakolare. Në ato qaste ne të gjithë ishim me Barcelonën. Edhe njëherë u vërtetua se futbolli është sporti më i madh në botë”, deklaroi Galliani.
