Asnjë befasi në çerekfinalet e basketbollit të meshkujve në Tokyo 2020. Shtetet e Bashkuara të Amerikës që janë edhe ekipi favorit për medaljen e artë u kualifikuan në gjysmëfinale pasi mposhtën me rezultatin 95-81 Spanjën, për meritë edhe të Kevin Durant autor i 29 pikëve.

Në krahun tjetër shkëlqeu Ricky Rubio me 38 pikë por paraqitja fantastike e 30-vjeçarit të Cleveland Cavaliers nuk i mjaftoi La Rojas. Respektoi pritshmëritë Franca që mposhti me shifrat 84-75 Italinë falë dhe 22 pikëve e 9 rebound të Rudy Gobert, ndërkohë që Sllovenia kaloi lehtësisht Gjermaninë 94-70 ashtu si edhe Australia që mposhti pa vështirësi Argjentinën 97-59. Në gjysmëfinale Franca do të përballet me Slloveninë ndërsa Shtetet e Bashkuara të Amerikës me Australinë.

PËRGJIGJU

Please enter your comment!
Please enter your name here