“Nuk do të bëj fundin e Inzaghit dhe Seedorfit, sepse patentën e trajnerit e kam fituar me gjak dhe meritë, duke u ushtruar! Dua sakrificë dhe sidomos nga djemtë përkushtim, për të dhënë gjithçka për shokun përkrah, ashtu si bëja unë kur isha futbollist”.

Pasi u takua me një pjesë të delegacionit të skuadrës së Milanit, ditën e emërimit (Montolivo, Bonucci, Abate dhe Zapata), sot në orën 10:45, pasi ka konsumuar edhe mëngjesin dhe kafenë në Mlanelo, Rino Gattuso ka mbatjur një diskutim edhe me pjesën tjetër të skuadrës, duke i kërkuar gjithashtu që të jenë të durueshëm për ndonjë fjalë më shumë të tij në stërvitje.

Fillimisht, gjithçka ka nisur me disa vrapime dhe ushtrime për të nxehur muskujt. Më pas, skuadra ka punuar me pengesa, përpara se të kalonte te topi. Stërvitja, në fakt, u mbyll me ushtrime teknike.

Por, nga i dërguari i “Sky”, ajo që ka rënë në sy është sjellja e Gattusos, që nuk ka reshtur së bërtituri, duke shoqëruar çdo ushtrim me thirrje, të cilat kanë prishur qetësinë në Milanelo. Stërvitje intensive dhe me ritëm, teksa shumë fizicitet është parë sa i përket momenteve të përgatitjes për të luajtur me topin.

Nesër, stërvitjet do të zhvillohen dy stërvitje, paradite dhe mbasdite, teksa plani i Gattusos është që skuadra të nisë të provojë se çfarë është sakrifica dhe sidomos lodhja fizike.

Në mendjen e “Ringios” janë stërvitje më të shkurtra, por më të forta. Zotërimi i topit dhe qarkullimi i shumtë i tij nuk e stimulon, pasi preferon veritikalizimet e shpejta dhe sidomos presingun.

Artikulli paraprakGattuso merr drejtimin e përkohshëm, Milan kërkon ish-teknikun katalanas
Artikulli tjetërTottenham mposhtet nga ish kampioni anglez