Vikendi në Premier League do të sjell shumë ndeshje interesante si derbi më i madh Man.United-Liverpool, por pa dyshim se edhe përballja e kampionit dhe liderit aktual Leicester-Chelsea, pritet me vëmendje të madhe.
Aty do të taohen dy shokë të mirë, dy njohës të mëdhenjë të futbollit dhe mbi të gjitha dy italian, Ranieri vs Conte. Ky i fundit foli shumë rreth ndeshjes, por edhe për kolegun e tij të cilin e respekton tejmase.
“Ata janë një ekip i madh, me lojtarë të mëdhenj, por ne duhet të fillojmë të fitojmë përsëri, dhe kjo ndeshje për ne është shumë e rëndësishme,” tha Conte, i cili kishte fjalë të mëdha për kolegun e tij. “Claudio është me të vërtetë një menaxher i madh dhe një njeri i madh.
Jam krenar që e njoh dhe ndonjëherë shkëmbejnë disa fjalë me të në telefon – shtoi Conte. Sezonin e kaluar ai bëri një punë të madhe, por kjo është e vërtetë jo vetëm për vitin e kaluar. Unë e di se çfarë është e vlefshme, e di sesi ai ishte trajnuar në Itali, dhe më pas këtu në Chelsea dhe Valencia. Ai është trajner i madh dhe e meritoi çmimin e FIFA-s për trajnerin e vitit të kaluar” ka përfunduar Conte i cili për fund shtoi se Chelsea duhet ta fitoj me çdo kusht ndeshjen e cila nuk do të jetë aspak e lehtë.
