Titulli i kampionit për Chelsea është punë e kryer sepse vështirë mund t’i lëshoj 10 pikë dallim me përcjellësit, andaj qysh tani trajneri italian Antonio Conte po mendon për edicionin e ardhshëm.
Antonio Candreva është një nga emrat që Conte e ka vënë në krye të listës së dëshirave, për afatin kalimtar veror.
Mesfushori italian i Interit është një futbollist, të cilin Conte e njeh mirë dhe një interpretues mjaft i mirë e rolit të mesfushorit të krahut, në skemën 3-4-3, që trajneri italian aplikon të Chelsea.
Candreva u transferua këtë sezon nga Lazio te Inter dhe po zhvillon një sezon shumë të mirë, por duke konsideruar moshën e tij, zikaltërit do të pranonin largimin e tij drejt Chelsea kundrejt një oferte të mirë.
