Të dy lojtarët u nënshkruan gjatë mbretërimit të Roman Abramovich nga klubi rus Anzhi Makhachkala.
Thuhet se pagesat janë bërë për “entitetet ruse” që ishin të ndara nga çdo tarifë transferimi, sipas The Times. Dhe pretendohet se është duke u shqyrtuar edhe një pagesë për familjen e një lojtari, përcjell Korneri.net
Premier League nisi një hetim mbi çështjet financiare gjatë epokës së Abramovich në gusht, duke përfshirë transferimet. Dhe marrëveshjet për të nënshkruar me Willian dhe Eto’o në 2013 besohet se janë shënuar nga pronarët aktualë të Chelseat.
Pagesat e veçanta u zbuluan gjatë procesit të kujdesit të duhur nëpër të cilin kaloi Todd Boehly për të blerë klubin në maj 2022. Mësohet se Chelsea më pas paralajmëroi FA, Premier League dhe UEFA për parregullsitë.
Chelsea tha në një deklaratë: “Këto pretendime datojnë para pronësisë aktuale të klubit. Ato kanë të bëjnë me entitete që dyshohet se kontrolloheshin nga ish-pronari i klubit dhe nuk kanë të bëjnë me asnjë individ që është aktualisht në klub. “Grupi i pronësisë së Chelsea FC përfundoi blerjen e klubit më 30 maj 2022.
Gjatë një procesi të kujdesit të plotë para përfundimit të blerjes, grupi i pronësisë u bë i vetëdijshëm për raportimin financiar potencialisht jo të plotë në lidhje me transaksionet historike gjatë pronësisë së mëparshme të klubit. /Korneri.net
