Në orët e vona të së mërkures në zyret e Milanos ka arritur një “fax” ofertë zyrtare nga Chelsea që kërkon me ngulm qendërmbrojtësit italian Alessio Romagnoli. Për momentin nuk është bërë e ditur se çfarë çmimi kanë vënë anglezët për talentin 21-vjeçar, por thuhet se presin shpejt një përgjigje nga Adriano Galliani, pasi afati veror përfundon pas pak ditësh. Sipas të gjitha gjasave përgjigja do të jetë negative.
