Chelsea rikthehet të humbasë në “Stamford Bridge”. Dhe e bën në ndeshjen numër 1200 në Premier League.
Skuadra londineze u mposht 0-2 nga Brentford, skuadër që regjistroi suksesin e tretë radhazi në transfertë kundër Chelseat në kampionatin anglez.
Duke parakaluar djemtë e Mauricio Pochettinos në renditje. Pjesa e parë u dominua nga vendasit, të cilët nuk arritën të shënonin golin e avantazhit.
Gol që e gjeti Brentfordi në minutën e 58’. Me anë të Ethan Pinnock, i cili u “zhyt” bukur me kokë.
Xhamajkani shfrytëzoi një krosim të Bryan Mbeumo nga krahu i djathtë, dhe ndezi festën e tifozëve të Brentfordit.
Chelsea u hodh në kërkim të barazimit, por skuadra udhëtuese realizoi edhe golin e dytë në minutën e gjashtë shtesë.
Bryan Mbeumo finalizoi një kundërsulm të shpejtë dhe me portën e boshatisur nga dalja e portierit nuk e pati të vështirë të dërgonte topin në rrjetë.
Përfundimisht 0-2, me Brentfordin që konfirmohet sërish në “Stamford Bridge” kundër Chelseat. Djemtë e Pochettinos kanë regjistruar vetëm një fitore në Londër gjatë këtij edicioni.
Thomas Strakosha e ndoqi takimin nga stoli për miqtë, ndërkohë që në krahun tjetër Armando Broja, i dëmtuar, nuk ishte i grumbulluar.
/Supersport.al
