Loja e bukur nuk i mjaftoi Napoli-t, që u mund nga Atletico Madrid-i në Audi Cup.
Mbrojtësi i kombëtares kuqezi, Elseid Hysaj luajti për 74’ në këtë takim dhe më pas u zëvendësua nga Christian Maggio.
“Të kaltrit” humbën një penallti në të 34’. Milik gjuajti nga pika e bardhë, por Oblak u tregua i saktë dhe shpëtoi ekipin e tij nga goli.
Por italianët kaluan në avantazh në pjesën e dytë falë një goli të bukur të Callejon-it (56′).
Pavarësisht kësaj, spanjollët nuk u dorëzuan. Ata barazuan me Torres-in në të 72′ dhe më pas me Vietto-n pas 9’.
Tani djemtë e Sarri-t do të luajnë për vendin e tretë, me humbësin e takimit Bayern-Liverpool.
