0

Dortmund superfuqi evropiane

5 March 2013 22:41
Dikush mund të mos pajtohet me mendimin e shumë njohësve të futbollit evropian, por Borussia Dortmund, është superfuqi evropiane. Të shënon fitore ndaj një skuadre si Shakhtar Donetzk me rezultat bindës 3:0, nuk është asnjëherë punë e lehtë, mirëpo këtë mund ta bëjë dikush që është shumë i fortë, e këtë e dëshmuan gjermanët e Jurgen Klopp.
Dortmund me plot meritë kaloi në çerekfinale pas një triumfi spektakolar në stadiumin e mbushur Signa Iduna Park. Edhe pse në këtë ndeshje nuk luajti reprezentuesi Mats Hummels, atë e zëvendësoi për mrekulli Santana, i cili shënoi golin e parë. Pak para pushimit Mario Gotze, shënoi golin e dytë që ishte ndoshta fatal për mysafirët. Mbrëmjën magjike të Dortmundit e përmbylli Jakup Blaszcykoëski që i paralajmëron kundërshtarët tjerë në çerekfinale.
Dortmundi u bëri me dije të gjithëve se sivjet duhet të llogaritet në këtë skuadër, pavarësisht kundërshtarit.